“လက်နက်ကိုင်တော်လှန်ရေးကိုဝန်းရံကြရမဲ့အချိန်” (မောင်ချင့်ချိန်)

http://www.demowaiyan.co.cc/2010/11/blog-post_7904.html

ဓာတ်ပုံ AP

နအဖစစ်အုပ်စုရဲ့အတုယောင်ရွေးကောက်ပွဲကတော့ အားလုံး တွက်ဆထားကြတဲ့အတိုင်း တရားမဲ့မှုများစွာနဲ့ ပြီးဆုံးသွားခဲ့ပြီ ၊ ပြည်သူကို လက်နက်နဲ့ ဖိနှိပ်ထားနိုင်နေပြီလို့ သွေးနထင်ရောက် ထင်ရာစိုင်းနေတဲ့ စစ်အုပ်စုက
သူတို့ရဲ့ တဘက်သတ် ရလာဒ်တွေကို မကြေငြာခင်မှာပဲ လက်နက်ကို လက်နက်ချင်းခုခံစစ်ကို ဗိုလ်နှုပ်ခမ်းမွှေးနဲ့ DKBA တပ်ဖွဲ့ဝင်တွေက ပြန်လည် စတင်လိုက်ပြီဖြစ်ပါတယ်။ တိုင်းရင်းသား လက်နက်ကိုင် အင်အားစုတွေအပါအ၀င် ဗမာပြည်သူတွေ ၊ စစ်အာဏာရှင်ကို ရင်ဆိုင်ခဲ့ကြတဲ့ နည်းလမ်းမျိုးစုံမှာ အများစုက အကြမ်းမဖက်ရေးလမ်းစဉ်ဆိုပြီး ရွေးချယ်ခဲ့ကြပါတယ် ၊ ငြိမ်းချမ်းစွာ လူထုတိုက်ပွဲနည်း ဆိုပြီး ရွေးကောက်ပွဲ(၁၉၉၀)၀င်တာ ၊ ပါတီတွေ ထောင်တာ ၊ ဖမ်းဆီးခံပစ်သတ်ခံပြီး ဆန္ဒပြလှုံ့စော်တာ ၊ စတဲ့နည်းလမ်းတွေနဲ့ လက်နက်မဲ့ တိုက်ပွဲဝင်ရေးကို ကြိုးစားခဲ့ကြသလို တချို့တိုင်းရင်းသား လက်နက်ကိုင်အင်အားစုတွေကလဲ ယာယီအပစ်ရပ် ၊ နားလည်မှု တည်ဆောက်တဲ့နည်းကို ငြိမ်းချမ်းရေးနည်းလမ်း အဖြစ် ဖြတ်သန်း ရပ်တည်ခဲ့ကြပါတယ် ။

အဲ့ဒီအတွက် ၁၉၄၈ ကာလထဲက လက်နက်ကိုင်တော်လှန်ရေးနည်းကို ကျင့်သုံးခဲ့တဲ့အဖွဲ့အစည်းတွေ ၊ ရှစ်လေးလုံး အရေးတော်ပုံ နောက်ပိုင်း ပေါ်ပေါက်ခဲ့ရတဲ့ လက်နက်ကိုင် အဖွဲ့အစည်းတွေမှာ အခက်ခဲမျိုးစုံ ၊ အချိုးကွေ့မျိုးစုံကြုံတွေ့ ခဲ့ရပါတော့တယ် ၊ ကမ္ဘာ့နိုင်ငံရေး အပြောင်းအလဲမှာကိုက လက်နက်ကိုင် ရင်ဆိုင်ဖြေရှင်းတဲ့ နည်းထက်ညှိနှိုင်း အဖြေရှာတဲ့နည်းကို အသုံးပြုရေးဖြစ်လာတဲ့အခါ ဗမာပြည်အတွက် လက်နက်ကိုင်တော်လှန်ရေးနည်းမှာ အားလျော့စရာတွေ ဖြစ်လာခဲ့ပါတယ်။ လူတွေက နိုင်ငံရေးအပြောင်းအလဲတွေ ဖန်တီးဘို့ စဉ်းစားကြတဲ့အခါ ကမ္ဘာနိုင်ငံတွေရဲ့ ဖြစ်ခဲ့ဘူးတဲ့အခြေအနေတွေ ၊ ရလာဒ်တွေ ၊ လူပုဂ္ဂိုလ်တွေနဲ့ နှိုင်းယှဉ် စဉ်းစားတတ်ကြပါတယ် ၊ ဒီလိုနှိုင်းယှဉ်စဉ်းစားပြီး အဖြေထုတ် နည်းလမ်းရှာတဲ့နည်းဟာ တခြားနိုင်ငံတွေအတွက် မှန်ကောင်းမှန်မှာဖြစ်ပေမဲ့ ဗမာပြည်အတွက်ကတော့ မမှန်ခဲ့ဘူးဆိုတာ ဖြတ်သန်းခဲ့ပြီးတဲ့နှစ်တွေ ၊ ခုထိ အတိဒုက္ခရောက်နေတဲ့ ပြည်သူ တွေက သက်သေပြပြီးဖြစ်ပါလိမ့်မယ် ၊ ဘာကြောင့်လဲဆိုတော့ ဗမာပြည်ကစစ်အာဏာရှင်တွေက ဘယ်နိုင်ငံက ဘယ်သူနဲ့မှ မတူတဲ့ အင်မတန်ရက်စက်ယုတ်မာ ကောက်ကျစ် လူမဆန်သူတွေ ဖြစ်နေလို့ပါပဲ။

ကျွန်တော်တို့နိုင်ငံရဲ့ နိုင်ငံရေးသမားဆိုသူတိုင်းက စာတွေဖတ်ကြတယ် ၊ ကမ္ဘာ့နိုင်ငံရေးတွေ ၊ သမိုင်းတွေ ၊ ကမ္ဘာပေါ်က ထင်ရှားကျော်ကြားတဲ့ ပုဂ္ဂိုလ်တွေကို လေ့လာကြတယ် ၊ အဲဒီအတွက် (အများစု)စစ်အာဏာရှင် ဆန့်ကျင်ရေး တိုက်ပွဲနည်းလမ်းရွေးချယ်မှုမှာ အမှားတွေဖြစ်လာရပါတော့တယ် ၊ ရန်သူ/အတိုက်အခံ မကွဲပြားတဲ့ အမြင်တွေ ဖြစ်လာပါတော့တယ် ၊ လက်နက်အားကိုးတန်ခိုးပြပြီး လူသတ်ပွဲနဲ့ အာဏာခိုင်မြဲအောင် လုပ်နေတဲ့သူတွေကို ရန်သူလို့ ပြတ်ပြတ်သားသား သတ်မှတ်ရမဲ့အစား တခြားနိုင်ငံက ပုဂ္ဂိုလ်တွေနဲ့နှိုင်းယှဉ်ပြီး အတိုက်အခံလိုသဘောထားဆက်ဆံခဲ့ကြတယ် ၊ စစ်အုပ်စုကတော့ သူတို့ကိုဆန့်ကျင်ဖီဆန်သူတိုင်းကို ရန်သူလို့ ပြတ်ပြတ်သားသား သတ်မှတ်ပြီး နည်းလမ်းစုံနဲ့ ရက်ရက်စက်စက် ချေမှုန်းခဲ့တာချည်းဖြစ်ပါတယ် ။

ခံခဲ့ရပြီးတဲ့ ဖြစ်စဉ်များစွာနဲ့ ဖြတ်သန်းခဲ့ကြပြီးတဲ့ ကာလတွေအတွက် မေးခွန်းနှစ်ခုရှိပါတယ် ၊ ကိုယ့်ဘာသာ ဖြေကြည့် တွေးကြည့်ကြစေချင် ပါတယ် ၊

(၁)

ဗမာပြည်သူတစ်ရပ်လုံးနဲ့ ကျွန်တော်တို့ ဒီမိုကရေစီလိုလားသူအားလုံး ရင်ဆိုင်ခဲ့ရတဲ့ ရင်ဆိုင်နေကြဆဲ စစ်အာဏာရှင်တွေက ကျွန်တော်တို့ရဲ့ ရန်သူလား အတိုက်အခံလား ၊

(၂)ရန်သူဆိုရင် ဘယ်လိုသဘောထားမလဲ အတိုက်အခံဆိုရင်ဘယ်လိုသဘောထားမလဲ၊

ကျွန်တော်ကတော့ ရန်သူလို့ သတ်မှတ်ပါတယ်... ၊ ပြည်သူတွေရဲ့ဆန္ဒကို သာမန် နည်းလမ်းတွေနဲ့ ဆန့်ကျင်ယုံမဟုတ်ပဲ ရဟန်းသံဃာမချန် ကလေးမိန်းမမချန် ကျောင်းသားမချန် ဖမ်းဆီးရိုက်နှက် သတ်ဖြတ်ပစ်တဲ့အထိ ကျူးလွန်ခဲ့သူတွေမို့ ရန်သူလို့ပဲ သတ်မှတ်ပါတယ်၊ သူက ကိုယ့်ကို ရန်သူလိုသဘောထား ရက်ရက်စက်စက် နည်းတွေသုံးနေတာကို (သာမန် အားကစားပြိုင်ပွဲတခုလို မဟုတ်တဲ့အတွက်) ငြိမ်ခံမနေ နိုင်ပါဘူး ၊ အတိုက်အခံ အဆင့်ဆိုရင်သာ ယှဉ်ပြိုင်ရမှာပါ ၊ ရန်သူလို့ သဘောထားရင်တော့ ဘယ်လိုနည်းနဲ့နိုင်နိုင် အနိုင်ရအောင်ရင်ဆိုင် ရမှာပါ ၊ မျှမျှတတ ယှဉ်ပြိုင်နေဘို့ မလိုပါဘူး ၊ အဲဒီ ရန်သူ/အတိုက်အခံ အဖြေမကွဲပြားမှုကြောင့် စစ်အာဏာရှင်ကိုရင်ဆိုင်ဘို့ နည်းနာ လွဲချော်ခဲ့ကြတာလို့ ကျွန်တော် ရဲရဲပြောဝံ့ပါတယ်။

စစ်အာဏာရှင်တွေအပေါ် အမြင်မရှင်းမှု သို့မဟုတ် အမြင် မခိုင်မာမှုတွေကြောင့်ပဲ ငြိမ်းချမ်းစွာ အကြမ်းမဖက် တိုက်ပွဲဝင်ရေးနည်းကို တရားသေ ဆုတ်ကိုင်ထားကြသူတွေ၊ နာကျည်းစရာ ကြုံတုန်းခဏ လက်နက်ကိုင် ပြန်ချမယ်ဆိုသူတွေနဲ့ လက်နက်ကိုင်တော်လှန်ရေးရဲ့ ပင်ပန်းဆင်းရဲမှုတွေကို ခါးသီးကြောက်လန့်လာသူတွေဟာ လက်နက်ကိုင်တော်လှန်ရေးကနေ
တဖြည်းဖြည်းသွေဖီလာကြပါတယ် ၊ တချို့က နိုင်ငံတကာအကူညီရရှိရေး ၊ တချို့က တတိယနိုင်ငံတွေထွက်ခွာရေး၊
တချို့ကရန်သူနဲ့ ငြိမ်းချမ်းစွာ အတူယှဉ်တွဲနေထိုင်ရေး၊ တချို့က စားပွဲဝိုင်းထိုင် ဆွေးနွေးနိုင်ရေးဆိုပြီး
လက်နက်ကိုင် လမ်းစဉ်ကို ရှောင်ခွာခဲ့ကြရာမှာ ရန်သူနဲ့ရန်ငါစည်း ယတိပြတ်သူတွေ ၊ လက်နက်ကိုင် လမ်းစဉ်ကိုသာ သက်ဝင် ယုံကြည်သူတွေကျန်ရစ်ပြီး ရန်သူရဲ့ အညှိုးတကြီး ချေမှုန်းမှုကို အလူးအလဲ ကာကွယ်နေခဲ့ရပါတယ်။ အဲဒီလိုနဲ့ ရန်သူ့ဘေး ကာကွယ်ရေးသာလုပ်နိုင်ပြီး ထိုးစစ်မဆင်နိုင်တဲ့ အခြေအနေပေါ်မှာ ကြာလေ လက်နက်ကိုင်လမ်းစဉ်ကနေ ဖယ်ခွာလေ ဖြစ်လာကြပြီး လက်နက်ကိုင် တော်လှန်ရေးလမ်းစဉ် မှေးမှိန်သလို ဖြစ်နေခဲ့ရပါတယ်။

အနိုင်ကျင့်ဖိနှိပ်မှုကို ကျူးလွန်လိုစိတ် ရှိသူတွေဟာ လက်နက်ကိုပဲတန်ဘိုးထားတာဖြစ်ပါတယ် ၊ လက်နက်နဲ့အင်အားကိုအားကိုးပြီး
ဗိုလ်ကျ စိုးမိုးနေသူတွေက သူတို့ထက်သာတဲ့ အင်အားနဲ့ လက်နက်ရှိသူတွေကိုပဲ ကြောက်တာပါ ၊ လက်နက်ကိုင်လမ်းစဉ်မှာ လျှောက်လှမ်း နေသူတွေ လျော့နည်းလာတဲ့အပေါ် တဖြည်းဖြည်း ထင်ရာစိုင်းလာတာပါ ၊ လက်နက်ကိုင် တော်လှန်ရေးအဖွဲ့တွေ အင်အားတောင့်ခဲ့တဲ့ ကာလတွေက နိုင်ငံရေးအခြေအနေ ၊ ရန်သူစစ်အုပ်စုရဲ့ အခြေအနေနဲ့ ၊ လက်နက်ကိုင်အင်အားစုတွေ ချည့်နဲ့လာတဲ့အချိန် ဖြစ်လာတဲ့ နိုင်ငံရေး အခြေအနေ ၊ ရန်သူ့သဘောထားတင်းမာမှု နှိုင်းယှဉ်ကြည့်ပါ ။

ဒီပဲယင်းလို ဥပဒေမဲ့မှုမျိုး ပြောင်ကျူးလွန်ခဲ့တယ် ၊ ဒေါ်အောင်ဆန်းစုကြည် ၊ ကိုမင်းကိုနိုင်နဲ့ လူထုတိုက်ပွဲ ဦးဆောင်သူတွေကို မတရားထောင် နှစ်ရှည်တွေချခဲ့တယ် ၊ ၂၀၀၇ စက်တင်ဘာလို ရဟန်း သံဃာတွေသတ်တာ ၊ ဘုန်းကြီးကျောင်းတွေ ချိတ်ပိတ်တာစတဲ့ အနိုင်ကျင့် မှုမျိုးတွေ ရဲရဲဝံ့ဝံ့လုပ်လာခဲ့တယ် ၊ ၁၉၉၀ ရွေးကောက်ပွဲကို ဥပေက္ခာပြုခဲ့တယ် ၊ တိုင်းရင်းသားတွေရဲ့ဆန္ဒ ၊ ဘာသာ ၊ ဓလေ့ထုံးတမ်းတွေ ကိုတန်ဘိုးမထားခဲ့ဘူး ၊ ၂၀၀၈ ဖွဲ့စည်းပုံဆန္ဒခံယူပွဲကို နာဂစ်လို လူသိန်းချီသေရတဲ့ မုန်တိုင်းဘေး သင့်ချိန်မှာတောင် အဓမ္မလုပ်ခဲ့တယ်၊ ခုနောက်ဆုံး ဘယ်သူဘာပြောနေနေ တိုင်းရင်းသားအပစ်ရပ်တွေ နယ်ခြားစောင့်တပ်ဖွဲ့ကိုဖွဲ့ရမယ်ဆိုတဲ့အမိန့်ပေးမှုမျိုး ၊ ၂၀၁၀ ရွေးကောက်ပွဲဆိုတာကို အာဏာတန်းလန်း စစ်ယူနီဖေါင်းချွတ်တွေနဲ့ ကြံ့ဖွတ်ပါတီဖွဲ့၊ အနိုင်ရရေး ထင်သလို လုပ်နေတာတွေဟာ လက်နက် ကိုင်အင်အားစုတွေ အားလျော့နေခဲ့လို့ပဲ ဖြစ်ပါတယ် ။ ဗမာပြည်စစ်အာဏာရှင်စနစ်ရဲ့ ဖခင်ကြီးနေ၀င်း လက်ထက် မှာတုံးကတောင် KNU ၊ ဗကပနဲ့ တိုင်းရင်းသား လက်နက်ကိုင်အင်အားစုတွေ အားကောင်းခဲ့တော့
ဒီလောက် မရမ်းကားနိုင်ခဲ့ပါဘူး ။

စစ်အုပ်စုရဲ့ စစ်အာဏာရှင်စနစ် တည်မြဲရေး လုပ်ဆောင်ချက် အဆင့်ဆင့်ကို ဘယ်နိုင်ငံရေးခေါင်းဆောင် ၊ ဘယ်နိုင်ငံရေး အဖွဲ့အစည်း၊ ဘယ်နိုင်ငံရေး နည်းလမ်းကမှ မတားနိုင်ခဲ့ဘူး ၊ ဆိုးရွား စုတ်ပြတ် အောက်တန်းကျမှုမျိုးစုံနဲ့ အစိုးရနာမည်ခံထားတဲ့ ရာဇ၀တ်ကောင်တွေကို ကုလသမဂ္ဂကအသိမှတ်ပြုထားဆဲ ၊ အာဆီယံနိုင်ငံ အဖွဲ့ဝင်ဖြစ်နေဆဲပဲ ၊ စိုးရိမ်မကင်း စောင့်ကြည့် နေကြပါတယ်ဆိုတာထက် ပိုလာအောင် ဘယ်သူမှမလုပ်နိုင်ခဲ့ကြဘူး ၊ ဒီလိုနဲ့ ၂၂ နှစ်ကျော်ကြာခဲ့ပြီ ၊ ပြောင်ထင်သလို သတ်လို့ သေတဲ့သူတွေများပြီ ၊ ဆင်းရဲမွဲတေမှုကြောင့် အဟာရချို့တဲ့ပြီးဖြစ်ဖြစ် ၊ အသိချို့တဲ့မှုကြောင့် ရောဂါဘယ ပိုးမွှား ကူးစက်ခံရတာတွေဖြစ်ဖြစ် မသေသင့်သေးပဲ သေခဲ့ရသူတွေများပြီ ၊ မပြည့်စုံမလောက်ငှတဲ့ ဘ၀တွေကြောင့် မပျက်ဆီးသင့်ပဲ ဆုံးရှုံးပျက်ဆီးခဲ့ရတဲ့ဘ၀တွေ များပြီ ၊ အဲဒီပြည်သူတွေအတွက် ဘယ်သူတွေက တာဝန်ခံမလဲ ၊ နောက်ရော ဘယ်လောက် ဘယ်ကာလထိ ဒီလိုဆက်ကြုံတွေ့ခံစားနေကြရဦးမလဲ ။ ဘယ်လို တိုက်ပွဲပဲ စဉ်းစားစဉ်းစား ပြည်သူတွေ လက်တွေ့ရင်ဆိုင်ကြုံတွေ့နေရတဲ့ အခြေအနေဆိုးနဲ့ပဲ နှိုင်းယှဉ် စဉ်းစားကြသင့်ပါပြီ ။

အခုတော့ရှင်းတယ် ၊ အပစ်ရပ်ထားတယ်ဆိုတာ တကယ် တိုင်းရင်းသားတွေအပေါ်စေတနာမှန်လို့မဟုတ်ဘူး ၊ စစ်မျက်နှာ လျော့အောင် လို့ဆိုတာသိလာတဲ့ ၊ အိမ်ကြက်ချင်း အိုးမည်းသုတ် ခွပ်ခိုင်းတာကို ခံနေရတဲ့ဘ၀ကို နာကျည်းလာတဲ့ ၊ တိုင်းရင်းသားတွေရဲ့ အခွင့်အရေး ကိုဥပေက္ခာပြုပြီး အနိုင်အထက်ပြု နယ်ခြားစောင့်တပ်ဖွဲ့ခိုင်းတာကို လက်မခံတဲ့ ၊ ရွေးကောက်ပွဲကို မတရားသဖြင့် နည်းတွေနဲ့လုပ်ပြီး စစ်အာဏာ ခိုင်မြဲလာတာနဲ့အမျှ အပစ်ရပ် တိုင်းရင်းသားတွေကို နိုင်သထက်နိုင်လာမှာဆိုတာသိလာတဲ့ ၊ ဘယ်အချိန်မှာ ဘယ်လိုပြန်ခံချရ မလဲဆိုတာလဲ နားလည်သဘောပေါက်တဲ့ ဗိုလ်နှုပ်ခမ်းမွှေးနဲ့ DKBA တပ်ဖွဲ့ဝင်တွေက မြ၀တီမြို့သိမ်းတိုက်ပွဲနဲ့ အတူ စစ်အုပ်စုရဲ့ ရွေးကောက်ပွဲကို ထိထိရောက်ရောက် ဆန့်ကျင်တိုက်ခိုက် ပြလိုက်ပြီ ။

ဒီတိုက်ပွဲဟာ ပြည်သူတွေရင်ထဲမှာ ရှိနေတဲ့လိုလားမှုကို ဖေါ်ထုတ်ပြလိုက်တာဖြစ်တယ် ၊ ဘယ်ပြည်သူကမှ စစ်အုပ်စုရဲ့ရွေးကောက်ပွဲ ရလာဒ်ကို စိတ်မ၀င်စားဘူး ၊ DKBA ရဲ့တိုက်ပွဲအခြေအနေကိုပဲ စိတ်ဝင်စားကြတယ် ၊ DKBA ရဲ့အောင်ပွဲကိုပဲ မျှော်လင့်နေကြတယ် ၊ KNU အပါအ၀င် ၊ ကျောင်းသားတပ်မတော်နဲ့ တခြားလက်နက်ကိုင် အင်အားစုအားလုံးကပါ နေရာတိုင်းက ၀ိုင်းတိုက်ကြဘို့ နှိုးစော်နေကြတယ် ၊ ဒါဟာလက်နက်ကိုင်တော်လှန်ရေးရဲ့ အလင်းရောင်ပါပဲ ၊ ရန်သူကို ရန်သူလိုသဘောထား တိုက်ကြရမယ်ဆိုတာ အသိတွေကို နှိုးဆွလိုက် တာပါပဲ ။

ဒီ၂၂နှစ်တာကာလမှာ လက်နက်ကိုင် အင်အားစုတွေရော ၊ ငြိမ်းချမ်းရေးနည်းဆိုသူတွေရောအားလုံးက NLDကိုဝိုင်းရံကြဆိုတာနဲ့ ၁၉၉၀ ရွေးကောက်ပွဲရလာဒ်ကို ဆုတ်ကိုင် တိုက်ပွဲဝင်ကြလို့ ကြွေးကြော်ခဲ့ကြတယ် ၊ ခုတော့ ခေတ်သမိုင်းရဲ့တောင်းဆိုမှုက ဘယ်သူ့ဘယ်သူကိုမှ အပြစ်ပြော ဝေဖန်နေစရာမလိုပဲ ငြင်းခုန်နေကြဘို့ မလိုတော့ပဲ
ကြေံးကြော်သံ ပြောင်းချိန်ရောက်ပြီလို့ ထင်ပါတယ် ၊ ကျွန်တော်တို့ အားလုံး တူညီပြောင်းသင့်တဲ့ ကြွေးကြော်သံက “ရရာလက်နက်ဆွဲကိုင်တိုက်ပွဲံဝင်ကြ ၊ လက်နက်ကိုင်တော်လှန်ရေးကိုဝန်းရံကြ ”လို့ ။ မြို့တွေပေါ် သပိတ်တိုက်ပွဲတွေ ဆင်နွှဲတဲ့နည်း ၊ ပြည်သူလူထုကြားမှာ ရရာလက်နက်ဆွဲကိုင် ပြန်ခံချကြတော့ဘို့ လှုံ့စော်တဲ့နည်း ၊ တိုက်ပွဲ ၀င်နေတဲ့ ရဲဘော်တွေဆီကို ကျည်/ရိက္ခာသယ်ပို့ပေးတဲ့နည်း ၊ ထောက်ပို့ပစ္စည်း ကျည်/ရိက္ခာတွေ ရှာဖွေစုဆောင်းပေးတဲ့နည်း ၊ ကိုယ်တိုင် လက်နက်ကိုင်ပါဝင်တဲ့နည်း တနည်းနည်းနဲ့ စစ်အာဏာရှင် ဖြုတ်ချနိုင်ရေးအတွက် လက်နက်ကိုင် တော်လှန်ရေးကို ၀န်းရံကြရမဲ့အချိန် ရောက်ပါပြီ ။

“ရရာလက်နက်ဆွဲကိုင် တိုက်ပွဲံဝင်ကြ ၊ လက်နက်ကိုင် တော်လှန်ရေးကိုဝန်းရံကြ ” မြ၀တီမြို့တိုက်ပွဲဆင်နွှဲနေသော ဗိုလ်နှုပ်ခမ်းမွှေးနှင့် DKBA ရဲဘော်များ ဘုရားသုံးဆူမြို့အား တပြိုင်နက် ထိုးစစ်ဆင်နွှဲခဲ့သော KNU ရဲဘော်များ တိုက်ပွဲဝင်ရဲဘော်အားလုံးအား အလေးပြုပါသည် ။

စစ်အာဏာရှင်စနစ် မုချကျဆုံးရမည် ။
တော်လှန်ရေးသစ္စာ ခိုင်မာမှုဖြင့်
မောင်ချင့်ချိန်

Best regards

AN

အမှတ်တရ … မဆလ (သို့မဟုတ်) စက်တင်ဘာ မိုးရေ …

အမှတ်တရ … မဆလ (သို့မဟုတ်) စက်တင်ဘာ မိုးရေ …
မောင်မောင်စိုး
အောက်တိုဘာ ၆၊ ၂၀၁၀

၁။ ရှင်းလင်းချက်

စက်တင်ဘာလ ဆိုတာ အမှတ်တရများစွာ ပြည့်နှက်လို့နေတဲ့လ တလ ဖြစ်ပါတယ်။ ဒီအချိန်မှာမှ မဆလ (ဦးနေဝင်းရဲ့ မြန်မာ့ဆိုရှယ်လစ်လမ်းစဉ် ပါတီ) ကိုမှ အမှတ်ရနေရလား။ ဒီငတိတော့ ကြောင်သွားပြီလို့ အပြစ်မတင်ခင် ကျနော် ရှင်းပြပါရစေ။ အဖြစ်မှန် သတိရနေတာက ရှစ်လေးလုံးမျိုးဆက် သူရဲကောင်းတယောက်ကိုပါဗျာ။

ဒီလိုပါ … ကျနော်တို့ တပ်ရင်း(စောထစခန်း) မှာ မဆလ နှစ်ယောက် ရှိပါတယ်။ တယောက်က ကျောက်တံခါးက ရဲဘော် မြင့်ဆွေ၊ သူကိုတော့ တိုက်ပုံနဲ့ဘာနဲ့ ဆိုက်ဂိုက်က မဆလ ကောင်စီလူကြီးပုံပေါက်နေလို သူ့ကို မဆလကြီး လို့ ခေါ်ပါတယ်။ နောက်တယောက်ကတော့ တောင်ငူက ဆောက်လုပ်ရေးအင်ဂျင်နီယာ ရဲဘော်ဆန်းလင်းပါ။

သူ့ကိုတော့ မောင်ဆန်းလင်း ကို အတိုကောက် မဆလ လို့ ပြောင်ပြီး ခေါ်ကြခြင်း ဖြစ်ပါတယ်။ သူက ကချင် တိုင်းရင်းသားတယောက် ဖြစ်ပါတယ်။

ဒါပေမယ့် သူဘယ်တော့မှ ကချင်တမျိုးသားတည်း လွတ်မြောက်ရေး (တခုချင်းစီရဲ့အကျိုးစီပွား)ကို မကြွေးကြော်ဖူးပါဘူး။ တခုလုံးရဲ့အကျိုးစီးပွား၊ တမျိုးသားလုံး လွတ်မြောက်ရေးကို မဆုတ်မနစ် တိုက်ပွဲဝင်သွားခဲ့သူပါ။ သူဟာ တော်လှန်ရေးအပေါ် သစ္စာရှိသူ။ သူဟာ ရဲဘော်များအပေါ် ညှာတာထောက်ထား အနစ်နာခံသူ။ သူဟာ အဆောင်အယောင် ကင်းမဲ့ပြီး အညတရ တော်လှန်ရေးသမားဘဝကို ခုံမင်သူ။ သူဟာ အမျိုးသားညီညွတ်ရေးကို လက်ကိုင်ထားသူ။

၂။ အမျိုးသားညီညွတ်ရေး

ဗိုလ်ချုပ်အောင်ဆန်းဟာ မြန်မာ့လွတ်လပ်ရေးဗိသုကာတဦးဖြစ်သလို ဒီမိုကရေစီနဲ့ အမျိုးသားညီညွတ်ရေး လမ်းပြရှေ့ဆောင် ခေါင်းဆောင်တဦးလည်း ဖြစ်ပါတယ်။ သူ့အနေနဲ့ ဘယ်လိုနိုင်ငံရေးဝါဒမျိုးကို ကြိုက်နှစ်သက်ပါစေ။ လူထုသဘောထားကို ဘယ်သောအခါမှ ဆန့်ကျင်လေ့ မရှိပါ။ နိုင်ငံတော်၏ အချုပ်အခြာ အာဏာသည် ပြည်သူလူထုထံမှ ဆင်းသက်ရမည်။ နိုင်ငံတော် အစိုးရသည် ပြည်သူလူထု၏ဆန္ဒနှင့်အညီ အုပ်ချုပ်ရမည်ဟူသော ဒီမိုကရေစီ မဏ္ဍိုင်ကို ဆုပ်ကိုင်ထားသူ ဖြစ်သည်။

၁၉၄၇ ခု၊ ဇန်နဝါရီလ ၂၇ ရက်နေ့တွင် အောင်ဆန်း အက်တလီစာချုပ် လန်ဒန်မှာချုပ်ဆိုစဉ်က တိုင်းရင်းသား လူမျိုးစုများ ပါဝင်နိုင်မည့်အရေးကို သဘောတူညီချက် အမှတ် ၆ တွင် ထည့်သွင်းချုပ်ဆိုခဲ့ပြီး တိုင်းရင်းသားလူမျိုးစုများ မြန်မာနိုင်ငံ လွတ်လပ်ရေးတွင် မပါဝင်နိုင်မှာကို အလွန်စိုးရိမ်ခဲ့ကြောင်း သမိုင်းမှာ အထင်အရှား ရှိခဲ့ပါတယ်။ ထို့နောက် မြန်မာပြည် ပြန်ရောက်ရောက်ချင်း တိုင်းရင်းသားများနှင့် အတူတကွ ဥမကွဲသိုက်မပျက် လွတ်လပ်ရေး အသီးအပွင့်များကို သာတူညီမျှ ခံစားနိုင်ရေးအတွက် အပြင်းအထန် ကြိုးစားအားထုတ်ခဲ့ပါတယ်။ ဒါကြောင့် ဖေဖော်ဝါရီလမှာ ပင်လုံစာချုပ်ကြီးကို ချုပ်ဆိုနိုင်ခဲ့ပါတယ်။ အောင်ဆန်းဝါဒဆိုတာ ဒီမိုကရေစီနဲ့ အမျိုးသားညီညွတ်ရေးဝါဒပင် ဖြစ်ပါတယ်။

NLD အနေနဲ့ အပစ်ရပ်အဖွဲ့တွေနဲ့ တွေ့ဆုံဆွေးနွေးရေး ဆောင်ရွက်ချက်တွေကို ကြိုဆိုပါတယ်။ ဒီလုပ်ငန်းစဉ်ဟာ ဟိုအရင်ကတည်းက လုပ်သင့်တဲ့အလုပ်ပါ။ တိုင်းရင်းသားလူမျိုးစု လက်နက်ကိုင် အဖွဲ့အစည်းများအနေကလည်း အခုအချိန်မှာ ကိုယ့်အကျိုးစီးပွား၊ သူ့အကျိုးစီးပွား အပြန်အလှန် မှီတည်မှုတွေထက် တမျိုးသားလုံးရဲ့အရေးကို ဦးစားပေး ဆောင်ရွက်ရမည့်အချိန်ကို ရောက်နေပါပြီ။

ကျနော်တို့ခေတ်မှာတော့ တော်လှန်ရေးတခုလုံးရဲ့အကျိုးစီးပွားကို အမြဲစဉ်းစားဆောင်ရွက်တတ်လေ့ရှိသော တိုင်းရင်းသား လက်နက်ကိုင် အဖွဲ့အစည်းခေါင်းဆောင်များအနက် KNU က ဖဒိုမန်းရှာ(လုပ်ကြံခံရ)၊ RCSS က ဒုဗိုလ်ချုပ်ကြီး ရွက်ဆစ် နှင့် NMSP က နိုင်ဟံသာ တို့ကိုတော့ ကျနော် လေးစားအားကိုးမိခဲ့ပါတယ်။

ဒီအချိန်မှာ တိုင်းရင်းသားအဖွဲ့အစည်းများ အားလုံးနဲ့ NLD ဟာ အမျိုးသားညီညွတ်ရေးကို အခိုင်အမာ တည်ဆောက်ပြီး လက်တွဲတိုက်ပွဲဝင်ရမည့်အချိန် ဖြစ်ပါတယ်။ အချိန်ကန့်သတ်ချက်ဟာ သိပ်ကို တိုတောင်းလွန်းပါတယ်။ NLD ကို တရားမဝင် ဖျက်သိမ်းလိုက်သည့် ဗ်ိုလ်သန်းရွှေရဲ့နောက်ဆုံး ထိုးချက်ကို တန်ပြန်ဖို့ တခုတည်းသောအလုပ်က NLD ကို ဝန်းရံ လက်တွဲသွားဖို့ပါ။ ဒါမှ CRPP ဆုပ်ကိုင်ထားတဲ့ ၁၉၉၀ ရွေးကောက်ပွဲရလာဒ် လူထုအာဏာကို ဆက်လက် သယ်ဆောင် တိုက်ပွဲဝင်သွားနိုင်ကြမှာ ဖြစ်ပါတယ်။

၃။ သူဘယ်သူလဲ

အလယ်တန်းပြဆရာ ဦးမင်းဝေ နဲ့ အလယ်တန်းပြဆရာမ ဒေါ်ဘောက်ခွန်တို့ရဲ့ ဒုတိယမြောက်သား ကိုဆန်းလင်း ကို ၁၉၆၃၊ ဒီဇင်ဘာလ ၃ ရက်နေ့မှာ ရှမ်းပြည်မြောက်ပိုင်း ကွတ်ခိုင်မြို့မှာ မွေးဖွားခဲ့ပါတယ်။ လားရှိုးမြို့မှာ ၁၀ တန်းအောင်ခဲ့ပြီး ၁၉၈၃ မန္တလေး GTI နောက်ဆုံးနှစ်က ကျောင်းရှေ့မှာ ရဲနဲ့ ကျောင်းသားတွေ ရန်ပွဲကတဆင့် ရုန်းရင်းဆန်ခတ်ဖြစ်တော့ သူက ကျောင်းသားတွေကို ဦးဆောင်ခဲ့လို့ ကျောင်းတနှစ် ထုတ်ခံရပါတယ်။ ဒါကြောင့် ၁၉၈၄ မှာမှ Civil Engineer ဘွဲ့ကို ရခဲ့ပါတယ်။

အဲ့ဒီနောက် တောင်ငူမြို့မှာ ဆောက်လုပ်ရေး အင်ဂျင်နီယာ အငယ်တန်းအရာရှိအဖြစ်လုပ်ကိုင်ရင်း မိဘနဲ့ ညီငယ် ညီမငယ်တွေကို တာဝန်ယူ လုပ်ကျွေးနေခဲ့တဲ့ အကိုကြီးယောက်ဖြစ်ပါတယ်။ သူ့မိသားစုအကြောင်းပြောတိုင်း သူဟာ ညီအကိုမောင်နှမတွေအပေါ် ငဲ့ညာဦီးစားပေးတတ်သူ တယောက်ဖြစ်ကြောင်း ပေါ်လွင်နေခဲ့ပါတယ်။
ရှစ်လေးလုံအရေးအခင်းမှာ တောင်ငူရွှေဆံတော်သပိတ်စခန်း အမာခံခေါင်းဆောင်တဦးအနေနဲ့ တက်တက်ကြွကြွ လှုပ်ရှားခဲ့ပါတယ်။ စစ်အာဏာသိမ်းပြီးနောက် လက်နက်ကိုင် တော်လှန်ရေးတိုက်ပွဲဆင်နွဲရန် KNU နယ်မြေ စောထစခန်းသို့ ရောက်ရှိခဲ့ပါတယ်။ ပထမအကြိမ် မကဒတ ညီလာခံမှစပြီး အရေးပေါ်ညီလာခံ၊ ဒုတိယအကြိမ် ညီလာခံ သက်တမ်းများတွင် ဗဟိုကော်မတီအဖြစ် တာဝန်ထမ်းဆောင်ခဲ့ပါတယ်။

ရဲဘော်ဆန်းလင်းဟာ ပြည်တွင်းစည်းရုံးရေး မြေအောက်လှုပ်ရှားမှုလုပ်ငန်းတွေကို ပိုအားသန် စိတ်ဝင်စားစွာ ဆောင်ရွက်ခဲ့ပါတယ်။ ၁၉၈၉ ခုစပြီး အလယ်ပိုင်းဒေသ အရှေ့ခြမ်း စိုးမိုးရေး အော်ပရေးရှင်းမှာ ကျနော်က ညောင်လေးပင် ခရိုင်၊ တပ်မဟာ ၃ နယ်မြေ ကျောက်တံခါး၊ ဖြူး၊ ကျောက်ကြီးမြို့နယ်များကို တာဝန်ယူပြီး ရဲဘော်ဆန်းလင်းက တောင်ငူ ခရိုင်၊ တပ်မဟာ ၂ နယ်မြေ ထန်းတပင်၊ အုပ်တွင်း၊ တောင်ငူ၊ ရေတာရှည်မြို့နယ်များကို တာဝန်ယူဆောင်ရွက်ခဲ့ပါတယ်။

၎။ တခါတုန်းက စက်တင်ဘာ

၁၉၈၉ ခု၊ စက်တင်ဘာလ ၅ ရက်နေ့မှာ မာနယ်ပလောဌာနချုပ်ကို စစ်အုပ်စုရဲ့တိုက် လေယာဉ်တွေ ဗုံးကြဲတိုက်ခိုက်လာပါတယ်။ ကျနော်တို့ သူပုန်ဖြစ်ပြီးမှ ပထမဆုံးအကြိမ် လေကြောင်းမှ တိုက်ခိုက်ခံရခြင်း ဖြစ်ပါတယ်။ အဲဒီပွဲမှာ ကျောင်းသားထဲက ကျနော်က ဘယ်ဘက်ပေါင်မှာ ဒဏ်ရာရပြီး ကျနော်တို့တပ်ရင်းက ရဲဘော်ဇော်ဝင်းအောင်က ညာဘက် ပုခုံးမှာ ဒဏ်ရာရခဲ့ပါတယ်။

ကြဲတဲ့ဗုံးက လိပ်စာနဲ့လာတာ။ ကျနော်နဲ့ ဇော်ဝင်းအောင် နေရာယူတဲ့အနားကို ဗုံးလာကျတာပါ။ NLD(LA) က ဦးအေးသန်းကတော့ ဖဒိုဘသင်အိမ်ရှေ့လှေဆိပ်နားမှာ ဒဏ်ရာရခဲ့ပါတယ်။ ဇော်ဝင်းအောင်ကိုတော့ ကိုယ်ထဲမှာ ဗုံးစ ကျန်နိုင်တယ်ထင်လို့ မဲဆောက်ဆေးရုံကိုပို့ လိုက်ပါတယ်။ ကျနော်က KNU ထူးဝါးလူဆေးရုံမှာပဲ ဆေးကုပါတယ်။ နောက်နေ့ကျတော့ ကျနော်တို့ဇာတ်လိုက်ကျော်ကြီး ဒေါက်တာမင်းသိန်း ရောက်လာပါတယ်။ လက်ထဲမှာ မုန့်ထုပ်နဲ့ ကျနော့်အတွက် ဝယ်လာတယ်ထင်တာ သူပဲ စားပစ်လိုက်ပါတယ်။ ဒီ့နောက် ကျနော့် ဒဏ်ရာကို သူ တချက် လှန်ကြည့်လိုက်ပြီး ကျနော့်ကို မျက်စိတဖက် မှိတ်ပြပါတယ်။ ပြီးတော့ …

“ကဲ ကျောင်းဆရာ တပ်ရင်းကိုပြန်လိုက်ခဲ့ တပ်ရင်းမှာပဲ ကျုပ် ကုပေးမယ်”
(တပ်ရင်းက ရဲဘော်တချို့နဲ့ ဒေါက်တာမင်းသိန်းက ကျနော်ကို ကျောင်းဆရာ ဟု ခေါ်ပါတယ်)

“ဘာဖြစ်လို့ဆရာရဲ့” ကျနော်က နားမလည်စွာ ပြန်မေးတော့၊ သူက တိုက်ရိုက်ပြန်မဖြေဘဲ …

“ရဲဘော်ဆန်လင်းလည်း မာနယ်ပလောမှာ အဖျားတက်နေတယ်၊ အဲဒါ သူလည်း တပ်ရင်းပြန်လိုက်မလို့တဲ့”

ကျနော်က အင်း သူငါ့ကို မျက်စိမှိတ်ပြတဲ့ဟာ အကြောင်းတခုခုတော့ရှိရမယ်ဟု တွက်ဆကာ …

“ကဲ ဒါဆို ကျနော် ဆေးရုံဆင်းဖို့ အကြောင်းကြား လက်မှတ်ထိုးပြီး ရင်လစ်ကြတာပေါ့”

မာနယ်ပလောတွင် ဆန်းလင်းကို ဝင်ခေါ်ကာ ကျနော်တို့ တပ်ရင်းရှိရာ သံလွင်မြစ်ကမ်းဘေးက မယ်ပေါ်မူထသို့ ပြန်လာခဲ့လေသည်။ လှေပေါ်တွင် ကျနော်ကို တပ်ရင်းပြန်ခေါ်လာရခြင်း အကြောင်းကို ကျနော် အတင်းမေးတာ သူမဖြေပါ။ တပ်ရင်းရောက်တော့ ကျနော်တို့ ဆေးရုံဘားကို တန်းသွားကြသည်။ ဆန်းလင်းကတော့ တလမ်းလုံး အဖျားတက်ကာ တဟင်းဟင်း ညည်းလာပါတယ်။

ဆေးရုံဘားပေါ် ရောက်ရောက်ခြင်း ဒေါက်တာမင်းသိန်းက သူကိုယ်တိုင် ကျနော့်ဒဏ်ရာကို ဆေးကျောပြီး ထူးဝါးလူဆေးရုံက နာ့စ်မလေးချုပ်ပေးလိုက်တဲ့ ချုပ်ရိုးတွေကို တချောင်းစီ ပြန်ဆွဲထုတ်ပြီး ဒဏ်ရာကို ပလာစတာနဲ့ ဆွဲကပ် လိုက်ပါတယ်။ ပြီးမှ သူက ကျနော်ကို …

“ခင်ဗျား ဒဏ်ရာကို သူတို့ချုပ်ထားတာ ဒရွဲ့ကြီး ကျောင်းဆရာရဲ့” ဟုပြောကာ ဒဏ်ရာအကွဲကြောင်းတဝိုက်ကို လက်ဖြင့် ဖိကာ အတော်ကြာစမ်းသပ်ပြီးမှ …

“အထဲမှာ အစ မကျန်ပါဘူး”

“ဒီအနာကျက်ရင် ကောင်းသွားမှာပါ” ဟု ဆိုလေသည်။

ဒီတော့မှ ထူးဝါးလူမှာ ကျနော့်ကို မျက်စိမှိတ်ပြပြီး တပ်ရင်းကို ပြန်ခေါ်လာရခြင်းအကြောင်းကို နားလည်ရပါတော့တယ်။ ကျနော် ဒဏ်ရာက စိုးရိမ်စရာမလိုကြောင်း ဒေါက်တာ မင်းသိန်းရဲ့ဆုံးဖြတ်ချက်ကို ကြားရပြီးနောက် ကျနော့်ဘေးမှာ တချိန်လုံး တဟင်းဟင်း ညည်းနေတဲ့ မောင်ဆန်းလင်းက …

“ဆရာ ကျနော့်ကိုလည်း လုပ်ပါအုံး၊ ကျနော် အခြေအနေ တော်တော်ဆိုးနေပြီ”

ဟု ဆိုလေသည်။ ဒီတော့မှ ဒေါက်တာ မင်းသိန်းက သူ့ကို သေချာစမ်းသပ်ပြီး ဆေးမှူး ကိုသက်ကို ကွီနင်းနဲ့ ဒရစ်အွန်ပေးရန် ပြောလိုက်လေသည်။ နောက်နှစ်ရက်လောက်မှာ ကျနော့်ဒဏ်ရာလည်း သက်သာလာသလို ဆန်းလင်းလည်း အဖျား မတက်သလောက် ဖြစ်လာပါတယ်။

၅။ စက်တင်ဘာ … မိုးရေ

ဇာတ်လမ်းက အခုမှ စမှာပါ …။

မောင်ဆန်းလင်းတယောက် ထူထူထောင်ထောင်ဖြစ်လာပြီး နောက် သုံးရက်လောက်အကြာ တညနေခင်းမှာ သံလွင်မြစ်ရေ စိမ်ပြေနပြေချိုးပြီး ညဘက်မှာ အဖျားပြန်တက်ပါတော့တယ်။ ထုံးစံအတိုင်း တညလုံး အဖျားတက်၊ လင်းအားကြီးလောက် အိပ်ပျော်သွားပြီး ၁၁ နာရီလောက်မှာ မနက်စာ စားပြီးတာနဲ့ နေ့ခင်းဘက်မှာ အဖျားတခေါက် ပြန် တက်လာပါတယ်။ ဒီတခါ ကျနော်နဲ့ ဒေါက်တာမင်းသိန်းကို သူ့အနားနေစေဖို့ သူက တောင်းဆိုပါတယ်။ အပူ အနည်းငယ် တက်နေတာမို့ ကျနော်တို့ သူအနားမှာပဲ နေကြပါတယ်။ ဒီတခါတော့ မောင်ဆန်းလင်းတယောက် တဟီးဟီး ညီးရင်းက ကျနော့်ကို မှာတမ်းတွေ စချွေပါတော့တယ်။

“ငါတော့ ဒီတခါ သွားပြီထင်တယ် သူငယ်ချင်း” ဟုဆိုကာ ကျနော့်ကို …

“မင်းတို့ ဒီတော်လှန်ရေးကြီးကို အပြီးသတ် ဆုံးခန်းတိုင်တဲ့အထိ ဆက်လုပ်သွားဖို့ ငါ့ကို ကတိပေးကြပါကွာ”

ဟု တုန်တုန်ရင်ရင် ပြောလေသည်။ ဒါက သူအဖျားတက်ရင် တောင်းနေကျ ကတိ၊ ချွေနေကျ မှာတမ်း …။

ဒါကြောင့် ဒေါက်တာ မင်းသိန်းတယောက် လစ်ပြေးဖို့ ဘားတိုက်ပေါ်က ဖင်တလျှော ဆင်းလေသော် မောင်ဆန်းလင်း က ကျနော်ဘက် လှည့်ကာ …

“သယ်ဂျင်းရေ ဆရာတော့ ငါ့ကို လက်လျော့လိုက်ပြီ ထင်တယ်” ဆိုတော့မှ ဒေါက်တာ မင်းသိန်းတယောက် ထိုင်ရမလို ထရမလို ဖြစ်နေရာက …

“ကိုယ် ဘယ်မှမသွားပါဘူး ကဲ ဘာလိုလဲပြော” ဟု ဆိုလေရာ မောင်ဆန်းလင်းက ကျနော်ကို လက်ညှိုးထိုးကာ …

“ကျနော် ဒီကောင့်ကို မှာစရာတွေ ကျန်သေးတယ် ဆရာ၊ ဒါကြောင့် ကျနော့်ကို ဆော်လူကောတက် (အသက်ကယ်ဆေး) ထိုးပေးပါ”

“အာ … ဆော်လူကော့တက် ထိုးရလောက်အောင် ခင်ဗျားဘာမှ မဖြစ်ဘဲ”

ဟု ဒေါက်တာမင်းသိန်းက ခမ်အေးအေးပြန်ပြောကာ သူဖတ်လက်စ စာအုပ်ကို ဆက်ဖတ်နေ၏။ (ဒေါက်တာ မင်းသိန်း သည် သူ့လက်ထဲတွင် ဖတ်စရာ စာအုပ်တအုပ်နှင့် စားစရာ သရေစာမုန့်တခုခုတော့ အမြဲရှိနေပါတယ်။ ရဲဘော်တွေက သူ့အတွက် ဟင်းကောင်းကလေးများ တကူးတက ချန်ထားလျှင် သူမကြိုက်။ သူက အခွင့်ထူးခံမဟုတ် ရဲဘော်များနဲ့ တသားတည်း တော်လှန်ရေးသမားအစစ် ဟု သူ ဆိုလေ့ရှိပါတယ်။ ဟင်းကောင်း ထမင်းကောင်းကိုလည်း သူ မခုံမင်ပါ။ သူ ဝါသနာအပါဆုံး အလုပ်မှာ စာအုပ်ဖတ်ခြင်းနှင့် သရေစာမုန့်စားခြင်းပင် ဖြစ်လိမ့်မည်။)

“မဟုတ်ဘူးဆရာ ကျနော့်ကိုယ် ကျနော်သိတယ်၊ ဒီတခါ ကျနော် မရတော့ဘူး”

“အာ ကဲ ကဲ … ဒါဆိုလည်း ခဏတော့စောင့်၊ တော်နေကြာ ကျုပ်ကိုယ်တိုင် ထိုးပေးမယ်” ဟု နှစ်သိမ့်၏။ အကြောင်းသိမို့ စိတ်ပြောင်းသွားစေရန် ဆိုင်းငံ့ထားခြင်းဖြစ်ကြောင်း နားလည်မိ၏။ သို့သော် ရဲဘော်ဆန်းလင်းကား ဇွတ်သမားပေကိုး။

“ဆရာရယ် ထိုးမှာသာမြန်မြန် ထိုးပေးပါ၊ ကျနော်ကိုယ် ကျနော်သိပါတယ်”

“ကဲ ကဲ … ပြောမရရင်လဲ ထိုးပေးရတာပေါ့”

“ကိုဇော်ရေ ဆော်လူကော့တက် ယူပေးပါ” ဟု သူ့ဆေးမှူး ရီဇော်အား လှမ်းပြောလိုက်ရာ …

“ကျနော် ထိုးပေးလိုက်ရမလား ဆရာ”

“နေ နေ၊ ဒီမောင့်ကို ကိုယ် ကိုယ်တိုင်ပဲ ထိုးပေးပါ့မယ်”

ဆိုကာ ကျနော့်ကို မျက်စိမှိတ်ပြ၏။ ကျနော်စိတ်က အင်း ဒေါက်တာမင်းသိန်းတယောက် ဘာများလုပ်မလို့ပါလိမ့်။ ထို့နောက် မောင်ဆန်းလင်း၏ မျက်စိရှေ့ မြင်မြင်ထင်ထင်မှာ မိုးရေပုလင်းကို ခေါင်းဖြတ်လိုက်ပြီး တခါသုံးအပ်ဖြင့် စုတ်ယူလိုက်ကာ ဆော်လူကော့တက်အမှုန့် ပုလင်းထဲသို့ ထိုးဟန်ပြုလိုက်ပြီး ထို ဆော်လူကော့တက်ပုလင်းအား ကျနော့်လက်ထဲ အသာထည့်ပေးလိုက်ပါတယ်။ ပြီးတော့ …

“ကဲ ကိုယ့်ဆရာ၊ ဟိုဘက်ကို မှောက်လိုက် ဆေးထိုးပေးမယ်”

ကျနော့်လက်ထဲက ဆေးပုလင်းလေးကို အသာထောင်ကြည့်လိုက်တော့မှ … အော် တကယ်တော့ စက်တင်ဘာ မိုးစက်တွေကြားမှာ မောင်ဆန်းလင်း(မဆလ) ကို မိုးရေထိုးပေးလိုက်တာပါကလား။ လူတို့၏ စိတ်အယူသီးမှုသည်ကား အလွန်တရာမှ ဆန်းကျယ်လေ၏။ မိနစ် ၂၀ လောက်သာ ကြာမယ်ထင်ပါတယ်။

“ဆရာက ကျနော့်ကို သက်သက်ဒုက္ဒပေးထားတာ၊ စောစောကတည်း ထိုးပေးလိုက်ရင် ရသားနဲ့” ဟုဆိုကာ ငုတ်တုတ် ထထိုင်လေသည်။ ချိတ်ထားတဲ့ ဒရစ်အကုန် နောက် နာရီဝက်လောက် အကြာမှာ စာဖိုမှာ စားစရာ သွားရှာပါလေတော့သည်။

အော် မိုးရေထိုးပေးလိုက်တာနဲ့ ယူပစ်သလို အဖျားပျောက်သွားသည့် လူနာပါကလား။

၇။ ကျဆုံးသူ … သူရဲကောင်းများကို အလေးပြုပါ၏

ပြည်တွင်း မြေအောက်အလုပ်အဖွဲများ ဖွဲ့စည်းမှုပိုမိုကျစ်လစ်ခိုင်မာရေးနှင့် ပြည်တွင်း မြေအောက်လှုပ်ရှားမှုများ ပိုမို အချိတ်အဆက်မိလာစေဖို့ သူကိုယ်တိုင် မြို့နှင့် အနီးကပ်ဆုံးနေရာများတွင် ကိုယ်တိုင်ကိုယ်ကျ သွားရောက် ဆောင်ရွက်မှုများကို စွန့်စွန့်စားစား အနစ်နာခံဆောင်ရွက်နေစဉ် ၁၉၉၃ ဒီဇင်ဘာလထဲမှာ ရေနီအရှေ့ဘက် ဆိတ်ဖူးကုန်း ရွာမှာ ရန်သူတပ်မှ ရဲဘော်ဆန်းလင်းကို ဖမ်းမိသွားခဲ့ပါတယ်။

ရေနီ လေ့ကျင့်ရေး ၅ မှာ ခဏချုပ်ထားပြီး တောင်ငူ ထောက်လှမ်းရေး ၃ ကို လွှဲပေးလိုက်ပါတယ်။ ရဲဘော်ဆန်းလင်းဟာ အင်မတန်မှ ခံယူချက်ပြင်းထန်တဲ့ တော်လှန်းရေး သူရဲကောင်းတယောက်ပါ။ ဒါကြောင့် စစ်ကြောရေးက ဘာတွေမေးမေး ဘယ်လိုနှိပ်စက်ပါစေ၊ အသက် အသေခံပြီး အားလုံးအပေါ် သစ္စာရှိရှိ ရပ်တည်သွားခဲ့ပါတယ်။

ဒါကြောင့် တော်လှန်ရေးအင်အားစု လက်နက်ကိုင် အဖွဲ့အစည်းများ၏ လုံခြုံရေး၊ ပြည်တွင်းယူဂျီ ရဲဘော်များ၏ လုံခြုံရေးနဲ့ ပြည်တွင်း အလုပ်အဖွဲ့များ ဆက်လက်ရှင်သန်ရေးကို သူ့အသက်နဲ့လဲကာ ပေးဆပ်ကာကွယ်သွားခဲ့ပါတယ်။ ရဲဘော်ဆန်းလင်းကို ဘာမေးမေး မဖြေတဲ့အဆုံး စစ်ခွေးတွေက ဥပဒေမဲ့ အပြီးစီရင်လိုက်ခြင်း ဖြစ်ပါတယ်။

ဒေါက်တာမင်းသိန်းဟာ ဆရာဝန်တယောက်ဖြစ်သော်လည်းပဲ နောက်တန်းမှာ ဆေးထိုင်ကုနေတာရတာ ထက်စာရင် ရဲဘော်တွေနဲ့ တသားတည်း ရှေ့တန်းထွက်ကာ တိုက်ပွဲတွေကြားမှာ လူထုကြားမှာ ဆေးကုပေးရင်း တော်လှန်ရေးတာဝန်တွေကို ထမ်းဆောင်နေတတ်သူပါ။ ၁၉၉၁ ခုနှစ်မှာ ဒီအေဘီ စစ်ကြောင်း ၁၂ နဲ့အတူ မုပ္ပလင် တိုက်ပွဲမှာ သူရဲ့ မျက်မှန်ကျပျောက်ကာ ရန်သူ အဖမ်းခံလိုက်ရပြီး ရန်ကုန်သို့ ခေါ်ဆောင်သွားကာ သူ့ကို ဆေးထိုးပြီး သတ်ပစ်လိုက်ကြောင်း သိရှိရပါတယ်။

အော် အမှတ်တရတွေ ရင်မှာအပြည့်နဲ့ စက်တင်ဘာ မျက်ရည်တွေကြားမှာ … စက်တင်ဘာ မိုးရေစက်တွေကို တိုင်တည်လျှက် … ညာလက်သီးကို ကျစ်ကျစ်ပါအောင်ဆုပ်ထားမိလေသည်။

ရှစ်လေးလုံးစိတ်ဓာတ် ထာဝစဉ်ရှင်သန်နိုင်ကြပါစေ …။

စက်တင်ဘာလ ၃၀ ရက်၊ ၂၀၁၀။

(ကျဆုံးသွားကြကုန်သော အာဇာနည်သူရဲကောင်းအပေါင်း၏ သွေးသစ္စာကို စောင့်သိကြပါစေ)

Maung Maung Soe article for Ko San Lin Moe Ma Kha    

ကြည်ဆန်း (သို့ မဟုတ်) ဧရာဝတီသူရဲကောင်း

 

ကြည်ဆန်း (သို့ မဟုတ်) ဧရာဝတီသူရဲကောင်း

ဒေါင်းအဘိဓမ္မာရဲ့

ရာဇ၀င်ကို

နီလွင်တောက်ပစေခဲ့လျှက်

နွေဦးကိုပြိုးပြက် လင်းလက်စေခဲ့ပေါ့ ။

ဧရာဝတီ

နီမြန်းခဲ့

မဲနယ်တောင်တန်းနဲ့

ရှမ်းတောင်တန်းတွေ

ညို့နေခဲ့

ပြေ(ပြည်)မြို့တဖက်ကမ်းက

ရခိုင်ရိုးမတောင်တန်းတွေတောင်

ညို့ရောင်သန်းခဲ့

သူ့သမိုင်းခေတ်ကိုထမ်းခဲ့ပုံက

သူရဲကောင်းဆန်လှတယ် ။

သူရဲကောင်း ကျောင်းသားတယောက်ရဲ့

မာကျောတဲ့ သံမဏိစိတ်ဓါတ်ကြောင့်

ညှင်းပမ်းသတ်ဖြတ်သူတွေ

စိတ်ဓါတ်ပျက်ယွင်း

ရူးသွပ်ခြင်းသို့ရောက်သွားခဲ့

သစ္စာတရားအတွက် ဒူးမထောက်တဲ့မော်ကွန်း

ရန်သူတွေကြောက်ဒူးတုန်ခဲ့ ။

၁၉၈၈ လူထုတိုက်ပွဲ

၁၉၈၈ စက်တင်္ဘာ ၁၈ အာဏာသိမ်းတိုက်ပွဲ

၁၉၉၀ ပြည့် ရွေးကောက်ပွဲအောင်နိုင်ရေးတိုက်ပွဲ

၁၉၉၀ အလွန် လက်နက်ကိုင်တော်လှန်ရေး

ပြည်ခရိုင်ကျောင်းသားသမဂ္ဂ

လူ့ဘောင်သစ်ဒီမိုကရက်တစ်ပါတီ

မျိုးချစ်ဒီမိုကရက်တစ်လူငယ်တပ်ပေါင်းစု

အနီရောင်ရင့်ရင့် သဘောတရား

ကျောင်းသား စံပြတော်လှန်ရေးသမား

လေးစားအတုယူဖွယ် ကိုယ်ကျင့်တရား

ရိုးသားတည်ကြည် စိတ်ထားဖြောင့်မတ်သူ

ဗမာပြည်ရဲ့ ရိုးမကြယ်ဖြူပွင့်

ကြွေလွင့်စောခဲ့ပေါ့ ။

အလယ်ပိုင်းဒေသ ရေနီ

ပြည်သူ့ပျောက်ကြားစစ်သည်ရဲ့

သူရဲကောင်းဗိမာန်တည်ရာ

သာမီတိုက်ရွာ

သာစည်ရွာလေးဆီ

ဦးညွှတ်အလေးပြု

သာဓုခေါ်ချင်ရဲ့ ။

ဧရာဝတီရေ

ဗမာပြည်ရဲ့ သူရဲကောင်းကျောင်းသားတယောက်ကို

သင့်ရေလွှာပြင်အောက်က

ကျောက်သားမျက်နာပြင်ထက်မှာ

ရင်ပြင်နီတည်ဆောက်ကာ

ရာဇ၀င်မော်ကွန်းထိုးစေသတည်း ။ ။

( ၃၀ ၊ ၈ ၊ ၁၉၉၅ ခုတွင် သူရဲကောင်းဆန်စွာ ကျဆုံးသွားသော ပြည်ခရိုင် ပဲ

ခူးတိုင်း အနောက်ခြမ်း ဗမာနိုင်ငံလုံးဆိုင်ရာ ကျောင်းသားသမဂ္ဂ ခေါင်းဆောင်၊

ပြည်မြို့ လူ့ဘောင်သစ် ဒီမိုကရက်တစ်ပါတီ ခေါင်းဆောင်၊ ကျောင်းသားတပ်

မတော် တပ်ရင်း(၆၀၁)၏ တပ်စုမှူး ရဲဘော် ကြည်ဆန်းအား ဤကဗျာဖြင့် ဦး

ညွှတ် အလေးပြုပါသည် ) ။

နီလွင်သွေး (ဒဿနိက)

၉ ၊ ၂၆ ၊ ၂၀၁၀ တနင်္ဂနွေနေ

ငုရင်ပြင် မှ

Joint Statement: Ambassadors for Aung San Suu Kyi

by Burma Campaign Australia on Wednesday, August 11, 2010 at 4:43pm

One year ago Burma's pro-democracy leader and Nobel Peace laureate Aung San Suu Kyi was convicted of breaching the conditions of her house arrest and sentenced to 18 months house arrest. Today she has spent over 14 of the past 20 years under various forms of imprisonment. In October she will have spent 15 years under house arrest.

Aung San Suu Kyi has been detained for 15 years too long.

We, the undersigned, condemn the arrest, trial and sentencing of Aung San Suu Kyi a year ago, and we condemn her continued illegal arbitrary detention and call for her immediate and unconditional release.

We, the undersigned, condemn the continuing imprisonment of over 2,100 political prisoners in Burma and call for their immediate and unconditional release.

We, the undersigned, do not see an election process where thousands of potential opposition candidates, including Aung San Suu Kyi, have been excluded from standing for election because they have been or are a political prisoner, as credible or legitimate.

We, the undersign, pledge our support to Aung San Suu Kyi, the people of Burma and their dream of a free and genuinely democratic Burma, and we will continue to work towards this goal.

Signed:
Julie Bishop
Janelle Saffin
Lee Rhiannon
Penny Sharpe
Helen Westwood
Sue Pennicuik
Meredith Burgmann
Tammi Jonas

Sydney က ၈၈၈၈ လူထုအရေးတော်ပုံအခန်းအနားကမြင်ကွင်းတချို့ 

၇ ဂျူလိုင်၊ ၁၉၆၂။

၇ ဂျူလိုင်၊ ၁၉၆၂။
from Maya Magazine by Maung Aye Win


[(၄၈) နှစ်မြောက်၊ ရန်ကုန်တက္ကသိုလ်၊ ၁၉၆၂ ဂျူလိုင် ၇ရက်၊ အမှတ်တရ အဖြစ် 'အောင်ပြည့်' ရဲ့ 'ပြိုမှာလေလားမိုးရဲ့' ၀တ္ထုမှ ထုတ်နှုတ်ဖော်ပြခြင်း ဖြစ်ပါတယ်။]

......... တက္ကသိုလ်တွင် ကျင်လည်ကျက်စားခဲ့သူတို့၏ ဘ၀ဟောင်းကို ပြန်လည် တမ်းတစရာ......
[မောင်ကိုယု ရဲ့ ၀တ္ထုစာအုပ် မိတ်ဆက်စကားမှ]

.... အဆောင် ပြန်ရောက်ချိန်တွင်တော့ ခင်ညို စာကြည့်လို့ မရ။ နက်ဖြန် နေ့ခင်း တကသ အစည်းအဝေးမှာ ဘာတွေ ဆုံးဖြတ်ကြမလဲ။ မြို့နယ်အသင်း အမှုဆောင် အစည်းအဝေးကော ကျေကျေ လည်လည် ပြီးပါ့မလား။

ခင်ညို တွေးနေဆဲမှာပင် ပင်မကျောင်းဆောင်များဆီမှ အသံတွေ ဆူလာသည်။ ခင်ညို နားစိုက်ထောင် လိုက်မှပင် အသံတွေက ပိုပြီး ကျယ်လာသည်။

"ထောင်လို ချုပ်ထားတာ မလိုချင်ဘူးကွ"
"ဟေး"

"ဟေး" ဆိုသောအသံထုကြီးက ကြက်သီးထခမန်း။

"မီးတွေပိတ်ကွ"
"ပဲခူးဆောင်က ရဲဘော်တွေ ဆင်းခဲ့ကွ"

ခင်ညို အဆောင်သံစကာ ကြားက ကြည့်မိသည်။ ဗဟိုဆောင်များတွင် မှောင်နှင့်မဲမဲ မီးပျက်သည်ကစပြီး ဆူကြဟန်တူသည်။ ပြီးတော့ အပြင်ကို ပြိုထွက်လာကြဟန် တူသည်။

မန္တလေးဆောင်တွင်းမှာတော့ အဆောင်မှူး ဆရာ ဦးခင်မောင်ဝင်းတို့၊ ဦးထွန်းဦးတို့ ပျာနေကြပြီ။ ညစောင့် မောင်သောင်းပင် မျက်လုံးပြူးပြီး ဘာလုပ်ရမှန်းမသိ။ တဖြည်းဖြည်းနှင့် ကျောင်းသားတွေ အားလုံးလိုလို အဆောင်ဝ တံခါးမကြီးတွင် စုမိကြသည်။

"ရဲဘော်တို့ ထွက်ခဲ့ပါ၊ ကျုပ်တို့ ဖိနှိပ်ချုပ်ချယ်မှုကို ကန့်ကွက်ဖို့ ဆိတ်ငြိမ် ဆန္ဒပြမယ်"
"မကြောက်ပါနဲ့ လာသာ လာခဲ့ပါ"

မောင်သောင်းက လန့်ပြီး သော့အားလုံးကို ဆရာဦးခင်မောင်ဝင်းလက် အပ်လိုက်သည်။ တံခါးက ပိတ်မြဲ။
"ဟေ့ မိန်းမရှာတွေလားကွ"
ပေါ်တီဂိုအောက်တွင် ရပ်နေသော ရဲဘော်တယောက်က အော်သည်။
"ချလွမ်"

ခင်ညိုက အံကို ကြိတ်ပြီး လက်သီးကို ကျစ်ကျစ်ဆုပ်ထားချိန် ဘာကို စလုပ်ရမှန်း မသိချိန်မှာပင် ဘယ်အချိန်က အပြင်ရောက်နေမှန်းမသိသော မန္တလေးဆောင်သား စိန်အစ်က မီးချောင်းကို ပစ်ခွဲလိုက်သည်။
ပေါ်တီဂို တခုလုံး မှောင်သွားပေပြီ။

"ထွက်ဟေ့၊ ထွက်ဟေ့"

ပြောပြောဆိုဆိုနှင့် အပြင်တွင်ရှိသော ကျောင်းသားထုက သံဆွဲတံခါးကို ၀ိုင်းမသည်။ ကြောင်ပြီး ကြည့်နေရာမှ အသက်ဝင်လာသေ ခင်ညိုတို့ အဆောင်သားတွေက ခုမှ တံခါးကို ၀ိုင်းတွန်းသည်။
မကြာလှပါ။
တံခါးကြီး ကော့လန်သွားသည်။
ကျောင်းဆောင်သား အားလုံးလိုလို ငုံ့ပြီးထွက်လိုက်ကြသည်။
အို ကျောင်းသားထုက မနဲပါလား။

"လာကြဟေ့ ရဲဘော်တို့၊ အမရဆောင်ကို ဒီနည်းအတိုင်း ဖွင့်မယ်"
ရှေ့ဆုံးက ရဲဘော် ကျောင်းသားတယောက်က ပြေးရင်း အော်ပြောသွားသည်။ ကျောင်းသားထုကြီး လည်း သူ့နောက် ပြေးလိုက်သွားသည်။

"ဟေ့ ဖိုးစိုးလွင်"
အမရဆောင် လှေခါးအောက်တွင် အဆောင်သားတွေ စုပြုံနေကြပြီး ဖြစ်သည်။ စိုးလွင်ဂျပုက ရှေ့ဆုံးမှာ သံတံခါးနှင့် ကပ်လို့။
"ဘယ်လိုလဲဗျ ကိုခင်ညို"
စိုးလွင်က မျက်နှာသေလေးနှင့် မေးသည်။
"ဟ ဘယ်လိုမလဲနေနဲ့ ကိုယ့်လူ၊ တံခါးသာ ၀ိုင်းတွန်းပေးတော့"
ခင်ညို ပြောနေချိန်တွင် 'ဆွဲဆွဲ' နှင့် အပြင်ကျောင်းသားထုက ဆွဲပြီး 'တွန်း တွန်း' နှင့် အတွင်း ကျောင်းသားထုက တွန်းသည်။

"ဟေး"
တံခါးကြီး လန်သွားပေပြီ။
"ရဲဘော်တို့ ရာမညကလဲ ထွက်လာကြပြီ၊ အားလုံး အဓိပတိလမ်းမှာ စုမယ်၊ စည်းကမ်းအတတ် နိုင်ဆုံးထားပြီး လိ်ုက်ခဲ့ကြပါ"
"ဟေး"
ကိုဗဆွေလေးက အမရဆောင် အုတ်ခုံမြင့်လေးပေါ်က အော်ပြောလိုက်ပြီး ရှေ့က ထွက်သွားသည်။ ကျောင်းသားအားလုံး သူ့နောက် ပါလာကြသည်။
"တပည့်တို့ ထိန်းထိန်းသိမ်းသိမ်း လုပ်ကြပါကွာ မှားကုန်ပါ့မယ်"

သမဂ္ဂရှေ့ စုမိကြလျှင်ပင် ကျောင်းသားရေးမှူး ဆရာ ဦးစံထွန်းရောက်လာသည်။ ရောက်ရောက်ချင်း ဆရာက အော်ပြောခြင်း ဖြစ်သည်။

"စိတ်ချပါဆရာ၊ ကျွန်တော်တို့ စည်းကမ်း အရှိဆုံး ဆန္ဒပြကြမှာပါ"
မတတ်သာတော့သည့် အဆုံး ဆရာက ပြုံးပြုံးပင် လက်လျှော့လိုက်သည်။
"လာကြဟေ့၊ အ၀ိုင်းလေးမှာ စုမယ်။ တကောင်းတို့ ပြည်တို့က ရဲဘော်တွေလဲ ဆူနေပြီ၊ သူတို့နဲ့ သွားပေါင်းမယ်"
ကျောင်းသားခေါင်းဆောင်တယောက်က လက်မြှောက်ရင်း အော်ပြောသည်။
"အေးဟေ့၊ ကောင်းတယ်"

ကျောင်းသားထု အသံက ဆူညံသွားသည်။ ပြီးတော့ တရွေ့ရွေ့နှင့် အဓိပတိလမ်း တံခါးဝနား ရောက်လာသည်။ ဆရာဦးစံထွန်းသည် ကျောင်းသားထု၏ ရှေ့က ပြေးပြီး အ၀ိုင်းလေး မြေမြင့်ပေါ် တက်လိုက်သည်။ ပြီးတော့ သူ့ခေါင်းက ကက်ဦးထုပ်ကလေးကို မြှင့်ဆောင်းလိုက်ပြီး မျက်မှန်အောက်က ပြုံးသော သူ့မျက်လုံးကို ထုတ်ပြရင်း ကျောင်းသားထုကို လက်နှင့် အရှိန်ရပ်လိုက်သည်။ အားလုံး ရပ်သွားမှ

"တပည့်တို့ကို ကျောင်းပြင် မထွက်စေချင်ဘူးကွာ၊ အခွင့်အရေး တခုခုအတွက် ဆန္ဒပြရင် ကျောင်းထဲမှာ ဘဲ စည်းကမ်းရှိရှိ ဖြစ်စေချင်တယ်။ တကောင်းဘက် မသွားပါနဲ့တော့"
ဆရာဦးစံထွန်း ရပ်နေရာ အ၀ိုင်းလေးပေါ်တွင်လည်း ကျောင်းသားတအုပ် ရှိသည်။ ခပ်နောက်နောက် တယောက်က ဆရာ့ခေါင်းပေါ်က လက်တချောင်းကျော်ပြီး 'အလကားလှိမ့်တာ' ဟူသော ဟန်မျိုးဖြင့် လက်ခါပြသည်။ ကျောင်းသားတွေက ပြုံးလို့။

"ရဲဘော်တို့၊ ဆရာပြောတဲ့စကားက လမ်းကျပါတယ်။ အားလုံး ပြန်ဝင်ကြစေချင်ပါတယ်"
ကိုဗဆွေလေးက ဆရာ့အနားတိုးလာပြီး အော်ပြောလိုက်သည်။ ကျောင်းသားထုက ငြိမ်သွားသည်။ ကျောင်းသားတွေ တဖြည်းဖြည်း များလာလိုက်သည်မှာလည်း အဓိပတိတလမ်းလုံး မဲလို့။

"အေးကွာ၊ ငါ့တပည့်တွေက နားလည်မှု ရှိပါတယ်။ ကျောင်းဝင်းထဲမှာဘဲ စနစ်တကျ လုပ်ကြစမ်းပါ"
ဆရာဦးစံထွန်းက သူ့စကားနားထောင်သော ကျောင်းသားများအတွက် ကျေနပ်သွားဟန်၊ နှစ်နှစ်ကာ ကာ ပြုံးရင်း ပြောသည်။ ကျောင်းသားအားလုံး ဘွဲ့နှင်းသဘင်ကို ပြန်ပြီး မျက်နှာမူလိုက်ကြသည်။
(စာမျက်နှာ ၂၆၀- ၂၆၄)။

"ခေါင်းဆောင်တွေ ဆွဲကုန်ပြီဗျို့"
မန္တလေးဆောင်ရှေ့မှ အသံတသံက စူးစူးရှရှ ထွက်လာသည်"
"ပုလိပ်ကားတွေ ရောက်နေပြီဟေ့"

.....................
......................
......................
......................

"ဘဆွေလေးတို့ ဆွဲသွားပြီဗျ။ ခင်ဗျာ့ ကိုတင်ထွန်းကြီးလဲ ပါသွားပြီ ဟိုမှာမြင်လား။ ပုလိပ်ကားတွေ ထွက်သွားပြီ။ အဲဒီပေါ် ပါကုန်ပြီဗျ"
ကိုမောင်မောင်က ဆို့ဆို့နင့်နင့် ပြေးလာရင်း ပြောသည်။ ခင်ညိုလည်း ဘာလုပ်ရမည် မသိတော့။
"ရဲဘော်တို့ ကျုပ်တို့ခေါင်းဆောင်တွေကို ဟိုကောင်တွေ ၀င်ဆွဲသွားပြီဗျ"

.........................
..........................
.........................

"ရဲဘော်တို့၊ ပုလိပ်တွေ ထပ်ရောက်လာကုန်ပြီ။ အတင့်မရဲကြနဲ့ဟေ့၊ မျက်ရည်ယို ဗုံးတွေလဲ ပါတယ်။ သတိရှိကြပါ"

....................
....................
....................

မကြာလှပါ။ ဗုံးမိုးသည်းထန်စွာ ရွာပါတော့သည်။ ခင်ညိုတို့လည်း ခုမှပင် ရေစိုအ၀တ်၏ တန်ဘိုးကို နားလည်တော့၏။ ဗုံးလုံးတွေက သိပ်ပြီး အရှိန်ပြင်းလှသည် မဟုတ်သောကြောင့် အဂျလာတို့ အုပ်စုက ကလို့ ခုန်လို့ပင် ဗုံးကို ရှောင်သည်။ အနီးအနားလာကျလျှင် ပြန်ကောက်ပြီး ပစ်လိုက်သေးသည်။

..................
..................
.................

ထိုစဉ်တွင် ကျောင်းသားတစုသည် ဆရာကာ အိမ်တွင်းမှ ဗော့က်စ်ဝဂ်ဂွန်ကား အနီရဲရဲလေးတစင်းကို တွန်းလာကြ၏။ ဘွဲ့နှင်းသဘင် တံခါးမကြီးအထိ။
တံခါးမကြီးရှေ့အရောက်တွင် ကားကို ပက်လက်လှန်လိုက်ကြ၏။ ပြီးတော့ မီးရှို့ပစ်လိုက်ကြ၏။
ကားနီနီလေးနှင့်အတူ မီးတောက်ကရဲရဲ။ လက်ခုပ်သံ ဆူညံ အော်ဟစ်သံတွေကလည်း တသဲသဲ။
အော် သွေးဆူနေကြချိန်တကား။
ဒါနှင့် မနားသေးပေ။ နောက်ထပ် ကျောင်းသားတစုက ကားပြာလေးတစီး ထုတ်လာပြန်သည်။ သည်လိုပင် အိမ်ရှေ့အရောက် လှန်ပြီး မီးရှို့လိုက်ကြပြန်သည်။
ထိန်းနိုင် ဦးဆောင်နိုင်သည့် ခေါင်းဆောင်တွေလည်း မရှိတော့ပြီ။ သည်အချိန်တွင် အသံကျယ်ကျယ် ရဲရဲတင်းတင်းနှင့် ရှေ့ကရှောက်သူသာ ခေါင်းဆောင် ဖြစ်တော့၏။
ကားနှစ်စီး မီးတောက် ငြိမ်းသောအခါတွင်ကား ကျောင်းသားတွေသည် အစုလိုက် အစုလိုက် ခြေပစ်လက်ပစ် ထိုင်နေကြတော့သည်။ တချို့က အဓိပတိ လမ်းမပေါ်မှာ။ တချို့တွေက မြက်ခင်းဆီမှာ။
အဓိပတိ ၀င်းတံခါးမကြီးကတော့ ပိတ်ထားဆဲ။ အထဲတွင် ကျောင်းသားတွေ ငြိမ်သူငြိမ်၊ လှုပ်ရှားသူ လှုပ်ရှား၊ စကားများသူ များနေသော်လည်း သံတံတိုင်းအပြင်တွင် စစ်ကားတွေ စီရရီနှင့်။
ခင်ညိုတို့တတွေလည်း အာညောင်း လက်ညောင်းမို့ အဓိပတိ ကပ်တရာလမ်းမပေါ်တွင် နှစ်နှစ် ခြိုက်ခြိုက် လှဲနေလိုက်ကြသည်။
တောင်ဆီမှာတော့ မိုးတွေညို့လို့။
မိုးသေးမိုးဖွဲလေးတွေကလည်း လွမ်းလောက်စရာ။ မရဲတရဲ ရွာနေပြန်သည်။ ခင်ညို့ မျက်နှာပေါ်တွင် မိုးသီးလေးတွေ ကွက်ကျားစိုလျက် ရှိနေ၏။ မှောင်ရီပင် သန်းလာချေပြီ။

.......................
.......................
.......................

"ဟိုရဲဘော် ကြည့်ပါအုန်းဗျာ၊ တံခါးဝက အုတ်ခုံပေါ်မှာ"
ချစ်ဆွေပြော၍ အားလုံး လှည့်ကြည့်လိုက်သောအခါ ကျောင်းသားတယောက် ခါးတောင်း မြှောင်အောင် ကြိုက်ပြီး အုတ်ခုံမြင့်ပေါ်တွင် ထိုင်အော်နေသည်ကို တွေ့၏။
မကြာလိုက်ပါ။
ခင်ညိုတို့တတွေ ခေါင်းပြန်မလှည့်မီမှာပင် ရန်ကုန်တက္ကသိုလ်ကြီးအတွက် အခြေအနေ အားလုံး ပြောင်းလဲစေလိုက်မည့် ပထမဆုံး သေနတ်သံကို ကြားလိုက်ရပေသည်။ ပြီးတော့ ဆက်၍ ဆက်၍။

......................
.......................
......................

သည်လိုနှင့်ပင် တည ချုပ်ခဲ့ရသည်။ နှစ်ရက်ဆက်ပြီး အသံပေါင်းစုံလျှံ ဂယက်ညံနေသော တက္ကသိုလ်ကြီးသည် ပကတိ ငြိမ်သက်သွားသည်။
ညတကာရဲ့ ညပေဘဲ။
ရေဒီယိုက တက္ကသိုလ်နှင့် ကောလိပ်များကို ရက်အကန့်အသတ်မရှိ ပိတ်ထားလိုက်ကြောင်း ကျေညာ လေသည်။
တညလုံး အိပ်မရသော အတွေးကြောင့် ခင်ညို တလူးလှိမ့်လှိမ့် ခံစားနေရသည်။ အိပ်ရေးပျက် မခံသော ၀င်းမောင်ကြီးပင် တလှုပ်လှုပ် ဖြစ်နေသည်။ နှစ်ယောက်သား အံကြိတ်ရင်း အတွေးကိုယ်စီနှင့် ငြိမ်နေမိကြသည်။
ည ၂ နာရီထိ မီးဖွင့်ထားသော်လည်း သည့်နောက်တွင် မီးပိတ်ပြီး ဆိတ်ငြိမ်ခြင်း အာရုံကို ၀င်စား နေမိလိုက်သည်။ နက်ဖြန်ဆို အိမ်ပြန်ရတော့မည်။
ဘယ်အချိန် အိပ်ပျော်သွားသည်မသိ။ '၀ုန်း' ဆိုသော အသံကြီးနှင့်အတူ မြေတုန်ပြီး အဆောင်လှုပ်ခါ သွားတော့မှ ခင်ညို အိပ်ရာက နိုးတော့သည်။
နိုးသည်ဆိုတော့လည်း အဆောင်လှုပ်ခါမှု အရှိန်ကြောင့် ခင်ညိုတို့ နှစ်ယောက်လုံး ကုတင်အောက် ရောက်သွားသည်။
"အဆောင်ကြီး ပြိုပြီထင်တယ်ဗျ"

...............................
...............................
...............................


"လာဗျာ၊ ခြေသံတွေလဲ ကြားတယ်၊ ထွက်ကြည့်ရအောင်"
အခန်းပြင်ရောက်သော အခါတွင်ကား ယူနီယံဘက်ကို ငေးကြည့်နေသည့် ကျောင်းသားများကို တွေ့ရသည်။
"ဟင်"

တကသ အဆောက်အဦးကြီး မရှိတော့ပြီ။ ခင်ညို့ ရင်ထဲတွင် ဟာသွားတော့သည်။
"ဖိုးခင်ညို အပေါ်ထပ်သွားကြည့်ရအောင်"
ဘယ်အချိန်က သူ့အနား ရောက်နေသည်မသိ။ ချစ်ဆွေက သူ့လက်ကို ဆွဲခေါ်သွားသည်။ အဆောင်ပေါ်တွင်လည်း အမိုးအုတ်ကြွတ်တွေ ဖွာလျာကြဲနေသည်မို့ ရှောင်ကွင်း သွားရသည်။
"ဟိုမှာ ကြည့်စမ်းဗျာ ဖုံငွေ့တွေပဲ ရှိတော့တယ်"
ချစ်ဆွေလှမ်းပြ၏။ ခင်ညို ကြည့်လိုက်သောအခါ အငွေ့တထောင်းထောင်းနှင့် အုတ်ပုံကြီးသာ မြင်တော့ သည်။ သံဘောင်ကြီးတွေ ထိုးထိုးထောင်ထောင် ထွက်နေသည့်ကြားက အငွေ့တွေ........။

(စာမျက်နှာ ၂၇၀- ၂၇၇)
'အောင်ပြည့်' ရဲ့ 'ပြိုမှာလေားမိုးရဲ့' စာအုပ်မှ။

Myanmar's military ambitions